A Voice from the Eastern Door
Labor Day
1. Rotiio'ténion raonenhnísera tenhontenonhwará:ton ne kiokierénhton Awententa'ón'ke ne Seskehkó:wa Labor Day is observed the first Monday in September
2. Rotiio'ténion tehati'nikónhrhare tehonatonhontsió:ni ne awén:tawen tahonwatinonhwará:ton ne rotiio'ténion Labor activists wanted a holiday to recognize workers
3. Roiio'ténion raonenhnísera kiokierénhton wa'thontenonhwará:ton ne 1882 Kanón:no tkaná:taien nón:we Labor Day was first celebrated in 1882 in New York City
4. Rotiio'ténion rotinèn:raien tehonatonhontsió:ni sha'té:kon nenkahwistà:'eke enhotiió'ten ne sewenhnísera Labor unions wanted an 8- hour workday
5. Tehonatonhontsió:ni wísk nón:ta ahotiió'ten ne tsiahià:ksera They wanted a 5-day work week
6. Tehonatonhontsió:ni tahatí:tahste tsi ronwatiio'ténhstha ne ratiksa'okòn:'a They wanted to stop the use of child labor
7. Ratiksa'okòn:'a enwá:ton enhonteweienstà:na Children could go to school
8. Khé:kenk rotiio'tenion tsi ienenio'kwátshne tóka ò:ni iótteron kanónhsote Instead of working in mines or unsafe factories
9. Ókia'ke ne onkwehshòn:'a ronwaiié:nen wahonwennónnien ahotiió'ten í:iah tehonwatikarià:kse Some people were enslaved and worked without pay
10. Tsi ní:ioht tsi tánon tsi nón:we nihotiio'ténion iótteron Working conditions were not safe
11. Thatíhnhes ne kahnhà:tshera wahontenenhrón:ni ahotiién:ta'ne ne tkaié:ri tsi nenkahwista'éhake enhotiió'ten tánon tsi ní:kon ahonatká:ria'kse Unions organized to get fair hours and wages
12. Tehonatonhontsió:ni ne tóhsa aiohterónhta'ne aion'wesénhake tsi nón:we nihotiió'te They wanted safe working conditions
13. Tóhkara ne oié:ri niiohserakehákie ia'ká:ienhte It took decades
14. Ókia'ke wahonníhiie khiehonaterí:io ne rotiio'ténion raotiianerénhsera Some died fighting for workers' rights
15. Nè:'e ne 1930's, Frances Perkins iontákia'ts kiokierenhtáhkwen iakón:kwe wahshakotihsennínion'te ne kakorahtsherá:kon In the 1930s, Frances Perkins was the first woman appointed US Secretary of Labor
16. Ia'erihwá:eke ne konnón:kwe tánon ratiksa'okòn:'a raotiianerénhsera She advocated for women's and children's rights
17. Ia'erihwá:reke ne rotiio'ténion raotiianerénhsera tánon aion'wesénhake tsi nón:we nihotiio'ténion She advocated for worker's rights and safety
18. Wa'akoió'ten ne rotikstenhokòn:'a ahatihwistatáko nó:nen enthotí:ion'ne ià:ia'k niwáhsen wìsk enhatiié:rite She worked to get old age pensions when the turned 65 years old
19. Ia'erihwà:reke ò:ni ne í:iah tehotiio'ténion ahatihwistatáhko tsi nikarì:wes í:iah tehotiió'te tánon ata'karitéhtshera takahshwanéten She pushed for
unemployment and health insurance
20. Wa'akoió'ten wa'erihwahserón:ni ne takatokénhston tsi ní:kon ahonatkária'kse She worked to get a minimum wage
21. Wa'kiehshwanéta ne kaianerénhsera ne tóhsa ne ratiksa'okòn:'a ahotiió'ten She supported laws against child labor
22. Akwé:kon aionkwatshennonníhake We should all be thankful
23. Ne kaio'ténhsera ne rotiio'ténion rotinenhraién:ton tánon Frances Perkins For the work of labor unions and Frances Perkins
24. Ón:wa wenhniseraténion, ókia'ke rotiién:ta'as ne enhatinenhrahserón:ni tenhonnatatá:se Today, some have parades
25. Ókia'ke enhatikhwà:ren tánon enhonten'nikonhrò:ri Some have picnics and parties
26. Ókia'ke tenhontstikáhwha Some travel
27. Ókia'ke enhontkehrontakóha tánon enhonnéhsake ne kio'serennenhtánion Some go shopping and look for sales
28. Ronakiohkowá:nen wahonatkenhnhò:ktahse For many, it signals the end of summer season
29. Ronwatiio'okòn:'a enhshotiio'ténhsera Parents return to work
30. Ratiksa'okòn'a enhshonteweienstà:na Children return to school
Reader Comments(0)