Indian Time - A Voice from the Eastern Door

1. Katsherón:niks I am putting on socks

2. Wakatsherón:ni ne karíseres I am wearing long socks

3. Í:iah tewakatsherón:ni ne ioriserahtá:nawen I am not wearing warm socks

4. Tekatháhsterenks ne akohsera'kéhkha atháhsteren I am putting on my winter pants

5. Tewakatháhsteren I have pants on

6. Í:iah tha'tewakatháhsteren ne akohsera'kéhkha akwatháhsteren I don't have my winter pants on

7. Tekaráhtas ne akohsera'kéhkha akwáhta I am putting on my winter boots

8. Tewakatárion ne akohsera'kéhkha akwáhta I am wearing my winter boots

9. Í:iah tha'tewakatárion ne ohnatirontha'kó:wa I am not wearing my rubber boots

10. Kakia'tawítha ne akohsera'kéhkha akià:tawi I am putting on my winter coat

11. Wakakia'tawí:ton ne akohsera'kéhkha akwakià:tawi I am wearing my winter coat

12. Í:iah tewakakia'tawí:ton ne akohsera'kéhkha akwakià:tawi I am not wearing my winter coat

13. Kanonhwaró:roks ne akohsera'kéhkha akwanòn:warore I am putting on my winter hat

14. Wakanonhwaró:ron ne akohsera'kéhkha I am wearing my winter hat akwanòn:warore

15. Í:iah tewakanonhwaró:ron ne teiontahonhtahsehtáhkhwa anòn:warore I am not wearing a hat that covers my ears

16. Katenia'taránia'ks ne iontenia'taraniákstha I am putting on a scarf

17. Wakatenia'taránie I have a scarf on

18. Í:iah tewakatenia'taránie I do not have a scarf on

19. Teka'niá:nawenks I am putting on gloves/mittens

20. Tewaka'niá:nawen ne teiohsnonhsón:ton akwa'niá:nawen I am wearing my gloves

21. Í:iah tha'tewaka'niá:nawen io'nianawentsheratá:nawen I am not wearing warm gloves