Indian Time - A Voice from the Eastern Door

2018 Ahkwesáhshne Enhontoríshen Ronwatihshnié:nons Khia'teiohserá:ke Ronthwistonnià:tha

 

Tóhkara nihá:ti ne Iotorishentáhkhwa Rontahshnié:nons wa'thatí:ta'ne ahonwatiià:taren (L to R) Agatha Thompson, Clarissa Terrance, Crystal Adams, Everett Lazore, Vicky Jock, Melissa Ward, Caroline Peters, Barbara Mitchell, Amya Leigh, Julia Back tánon Matt Rourke.

Iehiá:tons: Jaclyn Hall

Ronwaia'tanentaktónhne, Tsiothóhrha 7th, Ne Tekahson'karó:rens – Ahkwesáhshne Rontahshnié:nons Ron'shwáhtha Ratihiatónhkwa teiotonhontsiohón:ne iahshé:sheke! Ne khia'teiohserá:ko, Ahkwesáhshne Enhontoríshen Ronwatihshnié:nons Ronthwistonnià:tha tókara nihá:ti ne ronthwistonnià:tha ronaterihwahtenkia'tón:ne wenhniserakwé:kon. Ohrhon'kè:ne, ora'wísta wahatí:rihte ne ohrhon'kè:ne tsi na'tetsiontskà:nhons akwé:kon, ahonten'nikonhró:ri. Wísk nikahwístake nikanó:ron ne skáksa. Ne Ahkwesáhshne Kanien'kehá:ka Tehatihwistaientáhkhwa Tkanónhsote wa'thatirihwáhshnie ne ohrhon'kè:ne kakhwá:rahkwe tánon tsi nikarihò:ten Ron Lafrance (Aronhiátha) tho í:reskwe wahara'wistakahrhathóhseron. Iotohétston nénkie, kanenhstóhare kana'tarakenrí:ta kakhwárahkwe, wísk nikahwístake nikanó:ron. Everett Lazore tánon Wahiahá:wi Fitch wahnikhón:ni tánon iorihwí:io ne onkwe'tà:ke tsi wahonáhta'ne. Akwé:kon wahonten'nikonhró:ri io'taríhen ne kákhwa wahonwatí:nonte tánon wathontekhwarénia'te tsi nihá:ti ne onkwe'tà:ke í:iah teiotón:'on iahotikie'tóhton.

Tsiorì:wa onterihwahtén:ti ne Khia'teiohserá:ke Ratihwistarò:roks né:'e ne "Enhontehnhó:ton tánon Enhshonwanáhtka'we" tánon kí:ken onkwe'tà:ke nontahón:ne wahonwatihnhó:ton ne ioiánere aorihwá:ke. Kí:ken tsiorì:wa ienká:ienhte enhonwatiié:na tánon enhontehnhó:ton ne onkwe'tà:ke enhotiianeráhsten. Iorihowá:nen akwé:kon wahonten'nikonhró:ri rotihrhá:re ónhka ne onkwe'tà:ke iahotikè:tohte, "ahatikária'ke ne aonsahatiià:ken'ne".

2018 Ahkwesáhshne Enhontoríshen Ronwatihshnié:nons Iahonwatí:nonke:

Roteríhonte Eric Thompson $1,000

Iakoteríhonte Beverly Cook $1,000

Roteríhonte Michael Conners $1,000

Roteríhonte Benjamin Herne $500

Iakoteríhonte Shelley Jacobs $500

Iakoteríhonte Sweets Jacobs $500

Tsiorasa Barrerio $500

Brendan White $200

Stacy Holcomb $200

Lillian Barton $200

Sam Benedict $200

Jamie Bay $200

Amanda Smart $200

Paulette White $200

Brian Herne $200

Mary Terrance $200

Michael Cook $500

Theresa Gardner $200

Dr. Park $200

Xochitl Rios $200

Erica Lagrow $200

Sherry Roundpoint $200

Ernie Thompson $200

Becky White $200

Colleen Thomas $500

Shawn Martin $200

Junior Ransom $200

Punchy Cook $200

Stephen Thompson $400

Allison Doctor $200

Brittany Bonaparte $200

Karihwénhawe Lazore $200

Kwáh í:iah tekió:to'kte tsi nihononhnhò:tens tsi nikahá:wi iontorishentáhkhwa ronatonhnháhere skáthne ne Kanien'kehá:ka Tethotihenrétha, kakwatákwen watekhwahratsheró:ton wenhniserakwé:kon. Thiká:te ne ronathwistonnià:ton watekhwahra'tsheró:ton kanonhsakwé:kon. Akwé:kon wahonwanate'shén:non oh nahò:tenk ahontkwé:ni. Wísk niwáhsen / wísk niwáhsen tánon wakíhn tetkahnekáhere ne iohnekahní:ron aktónkie ká:ien tsi nón:we ne Kanien'kehá:ka Tethontihenrétha.

Kwáh ken'nihá:ti thonahtka'wánion wahonwatiié:nawa'se ne khia'teiohserá:ke Ronthwistón:nis ahotiianeráhsten. Bear's Den (Ohkwaríhne), Tarbell Management Group (Tarbell Ronterihwahtenkià:tha Raotikióhkwa), Speedway Plaza (Teió:ka Watenhninónhserote) tánon Twinleaf Stores (Tekaneráhtake Tsi Iontenhninon'taniónhkhwa) wa'thonwatirihwáhshnie CKON's kwáh akwé:kon thonón:nes tsi nón:we ronaterihwahtenkià:ton wa'thonterihwarénia'te.

Rotera'shwí:io Roniá:kon Big Boy (Raksa'towá:nen) wahonwanatahré:nahse ne ioniahé:sa ró:ne, Casie Garrow, tsi nikarì:wes rahnhó:ton.

"Kí:ken iohserá:te teionkwatonhontsió:ni ó:ia nahò:ten aiakwaten'nièn:ten. Thó:ha énska teiohshénhserote niwa'thé:rake eniakwakè:nihte khia'teiohserá:ke. Só:'k kí:ken ohserá:te wa'akwèn:ron 1000 ní:kon eniakwa'therísa, né:'k tsi enkiatorókie nón:wa $25 eniakhihwíston Aldi's nón:we tsi iontenhninòn:tha ne Tsisnaihne, Kaná:takon tánon ne énkie nonkwá:ti ratiterón:ton ne Ahkwesáhshne. Kawehnò:ke rati'terón:ton $35 nikahwístake eniakhihwíston ne No Frills aó:wen. Teionkwatonhontsió:ni sénha ronakiohkowá:nen ahontatshnié:non, né:'k tsi nó:nenk iakwate'niéntha oh nahò:ten ne á:se tánon eniakwatkáhtho oh ní:ioht tsi akwé:kon enioió'te" wahèn:ron ne raterihwahtenkià:tha Matt Rourke.

Kí:ken iohseratákie, Rotón:ni Nikahá:wi A'there'shón:'a enhatihní:non né:'e énhontste ne ohwísta enhatiié:na tsi nikarì:wes ne Khia'teiohserá:ke Ahkwesáhshne Ronatoríshen Rontahshnié:nons Ratihwistarò:roks ronaterihwahtenkià:ton. Khia'teiohserá:ke tehonrenià:tha enhonterihwahserón:ni tenhonrénia'te kí:ken iohia'kseratákie tá:we.

 

Reader Comments
(0)

 
 

Powered by ROAR Online Publication Software from Lions Light Corporation
© Copyright 2018

Rendered 01/15/2019 10:41