Ahkwesáhnse Rontatewennió:ke Tsi Ionteweienstáhkhwa
Ahkwesáhnse Rontatewennió:ke Tsi Ionteweienstáhkhwa ka’nisténhsera ronten’nikonhrorià:ne nia’té:kon enhonterihwahténkiake Kí:ken enwakiahia’kseró:kten Entákta Ohiarihkó:wa 5 enhská:ra’ne tanon Awentatokenhtì:ke Ohiarihkó:wa 6 enshská:ra;ne Ahnawà:te Ahkwesáhnse rontatewenniió:ke Tsi ionteweweienstáhkhwa né:’e tsi khiateiohserá:ke ratihwistarò:roks ne ratiksa’okón:’a raotirihwá:ke, tehatirihwahshnie ne tsi ionteweienstáhkhwa. Ietshihonkará:wis ne aontésewe. Sewatenaktóthas ne aesewaten’nikonhró:ri. Tasewaten’nikonhrorià:na. Tesewatatenatahré:nas. 11 niiohwistá:’e enwatehnhotón:ko. Ratiksa’okón:’a enhatirihwahnhotón:ko. Ronwatiien’okón:’a ronatekhwatkè:ron nia’té:kon rotirihton. 11 niiohwistá:’e kana’tarakenrí:ta, ase’shón:’a tánon o’wà:ron enhontekhwatkè:ron. enhontekhwatkè:ron. Entewatáhsawen nia’té:kon enhontkè:ron. Tékeni tsi niió:re ne kióhton niiohwistá:’e ronnón:kwe enhonterennotónnion. Tenhonhtehenno’ke è:neken ieiakohthenno’tsheronkiéhtha. Enkanonhsó:take ne ratiksa’okón:’a tenhonni’tsionkwahkwánion. Nia’té:kon enkahnió:take ne ratiksa’okón:’a enhontswa’te kon’tákie. Enthatirihowanahte tsi nahò:ten enwaterihwahtén:ti. Awentatokenhtì:ke kana’tarokhón:we tánon o’wà:ron enhontkè:ron. Énska niiohwistá:’e entewatáhsawen enhontahsiratkè:ron. Tontasewatska’nhón:na. Niawenkó:wa!
1. Ahkwesáhnse The place where the partridge are
2. Rontatewennió:ke The place of nice words
3. Tsi Ionteweienstáhkhwa The place where one studies
4. Ka’nisténhsera Parents
5. Ronten’nikonhrorià:ne They are going to have fun
6. Nia’té:kon A lot of things
7. Enhonterihwahténkiake They shall have a lot of events going on
8. Kí:ken enwakiahia’kseró:kten This weekend
9. Entákta Saturday
10. Ohiarihkó:wa July
11. 5 enhská:ra’ne 5 will be the date
12. Tánon Awentatokenhtì:ke And Sunday
13. Ahnawà:te At the edge of the rapids
14. Né:’e tsi Because
15. Khiateiohserá:ke Every year
16. Ratihwistarò:roks They gather money
17. Ne ratiksa’okón:’a For the children
18. Raotirihwá:ke For the purpose of
19. Tehatirihwáhshnie ne tsi ionteweienstáhkhwa They support the school
20. Ietshihonkará:wis ne aontésewe They invite you to come
21. Sewatenaktóthas Give yourself time
22. Ne aesewaten’nikonhró:ri You all ought to have fun
23. Tasewaten’nikonhrorià:na Come and have fun
24. Tesewatatenatahré:nas Visit each other
25. 11 niiohwistá:’e enwatehnhotón:ko It will open at 11 am
26. Ratiksa’okón:’a enhatirihwahnhotón:ko The children will do the opening
27. Ronwatiien’okón:’a ronatekhwatkè:ron Their parents will sell food
28. Nia’té:kon rotirihton They cooked a lot
29. Kana’tarakenrí:ta, ase’shón:’a tánon o’wà:ron enhontekhwatkè:ron. They will sell Indian Tacos
30. Entewatáhsawen They will start
31. Nia’té:kon enhontkè:ron. They will sell several items
32. Tékeni tsi niió:re ne kióhton niiohwistá:’e From 2 until 9 pm
33. Enhonterennotónnion They will sing
34. Ronnón:kwe enhonterennotónnion They will have a concert with top Native American bands
35. Tenhonhtehenno’ke They will play ball
36. È:neken ieiakohthenno’tsheronkiéhtha. Volleyball
37. Enkanonhsó:take ne ratiksa’okón:’a There will be jump houses for the children
38. Tenhonni’tsionkwahkwánion They will jump alot
39. Nia’té:kon enkahnió:take A lot of things will be standing
40. Ne ratiksa’okón:’a enhontswa’te The children will play
41. Kon’tákie All day
42. Enthatirihowanahte They will announce
43. Tsi nahò:ten enwaterihwahtén:ti What will take place
44. Ne Awentatokenhtì:ke On Sunday
45. kana’tarokhón:we tánon o’wà:ron. Traditional cornbread and steak
46. Enhontkè:ron They will sell
47. Tontasewatska’nhón:na Come and eat
48. Entewatáhsawen They will start
49. Enhontahsiratkè:ron They will auction quilts
50. Niá:wen Thank you
Reader Comments(0)