A Voice from the Eastern Door

News / Kanienkeha Language Project


Sorted by date  Results 1 - 25 of 26

  • Ahkwesáhshne Rontatewenní:io Tsi Iontoweienstáhkhwa Wahoterihwahténkia'te Khia'teiohserà:ke Wahsiríson Tekenhnakhánion Tethontihenréhtha

    Jaclyn Hall|Aug 23, 2018

    Iehiá:tons Jaclyn Hall Ne Ahkwesáhshne Rontatewenní:io Tsi Iontoweienstáhkhwa Raoná:wen Khia'teiohserà:ke Wahsiríson Tekenhnakhánion Tethontihenréhtha Aontatokenhtì:ke, Seskéha 19 onterihwahtén:ti. Kí:ken iohseratákie tsi ní:kon enhatihwístako ne énhontste ne enhonhténkia'te ne Ahkwesáhshne Rontatewenní:io Tsi Iontoweienstáhkhwa tánon enhonthwístaien ne katkekshón:'a asé'stsi enhatinonhsakétsko ne tsi iontoweienstáhkhwa. $10 million nikahwístake ia'tehonóien ahatihwístako ahatíhsa ne ka...

  • Áhkwesáhsne Katshé:nen Aokióhkwa Wahonwatiia'tarò:roke Aten'èn:rakon Kít kit Wahonwati'nikonhraientáhten

    Jaclyn Hall|Aug 23, 2018

    Iehiá:tons Jaclyn Hall Ne Ahkwesáhsne Katshé:nen Aokióhkwa wahonwatiia'tarò:roke aten'èn:rakon kít kit wahonwati'nikonhraientáhten Soséhne 15th Ahkwesáhsne Rontatewenní:io Tsi Iontoweienstáhkhwa Kahéhtakon Tsi Iokwèn:rare. Tsi wahonwati'nikonhraientáhten wa'enèn:ri'ne ne Dr. Jarra Jagne, DVM, DACPV kwáh né:'e iakoteríhonte kít kit aorihwà:ke tánon konwatiié:nas ne otsi'ten'okón:'a. Tsi ronwati'nikonhraientahtén:nis ontawén:rate na'tekarì:wake tsi ní:ioht tsi konwanehià:ron ne kít kit....

  • 2018 Khia'teiohserá:ke Ronterihwahtenkià:tha Ahkwesáhshne Atenró:sera Awenhnísera

    Jaclyn Hall|Aug 16, 2018

    Ne Onkwehón:we Othorè:ke Nonkwá:ti Tsi Iaonhwén:tsiaien Tehontstikáhwhas Iontoweienstahkhwa'kó:wa (NNATC) wahonterihwahténkia'te ne raoná:wen khia'teiohserá:ke Ahkwesáhshne Atenró:sera Awenhnísera kí:ken Awentatokenhtì:ke, Seskéha 12th. Ne onterihwahtén:ti ne aonhá:'a iorihowá:nen ronterihwahtenkià:tha ne Tehontstikáhwhas Tsi Iontoweienstahkhwa'kó:wa, skáthne kwáh ken'nihonakióhkwa ne kén:tho ratinakerénion ratiráhtha tánon ronatekhwahra'tsheró:ton ronatenaiéhston tsi nahò:ten ratiweién:te. 11...

  • A'nó:wara Tehiaré:rons Ne Ohkwá:ri

    Aug 16, 2018

    Anó:wara teiorì:wake karihwaienté:ri roterièn:tare tsi ro'nikohrowá:nen tánon roia'takenhé:ion. Né:'e tsi ne a'nó:wara tehshakoren'kénnies ne kaié:ri na'tekontihsinón:ton. Tho nón:we nikiorì:ware tsi ionenkiohkowá:nen ne a'nó:wara. Ó:nen ki' ne oká:ra. Tá:re ne Ohkwá:ri tontaiawentónhsere. Ia'thanitsiónhkwahkwe tsi karón:taien, kwáh iohsté:ris tánon ia'thatáhtsi kí:ken a'nó:wara wahonenhratákwen.. "Oh nihsakiéhrha nekén:'en?" wahori'wanón:tonhse ne A'nó:wara Raterí:ios. "Í:iah ken tesaterièn:tar...

  • Ahkwesáhshne 2018 Kaniatarowá:nen Wa'thontohtáhrho

    Kaniehtonkie|Aug 9, 2018

    Iehiá:tons Kaniehtonkie Ronwaia'tanentáktonhne Seskéha 3 shískare ne kenkiohkwà:ke ne Ahkwesáhshne wahonkia'tarò:roke ne Ahsénhaton Khia'teiohserá:ke Kaniatarowá:nen Wa'thontohtáhrho. Kí:ken ioterihwahtenkià:ton skáthne tehotirihwaienawá:kon ne Kanien'kéha Ratitsiénhaiens ne Ahkwesáhshne Rontonhwentsianónhnha Tsi Ionkwèn:rare, ne St. Róren Kaniataratákie Kanónhsote, tánon wahonkià:taren ne tekeníhaton iohseratákie – ne St. Regis Kanien'kéha Onkwehón:we. Khia'teiohserá:ke ne Kaniataro...

  • Tekeníhaton Khia'teiohserá:ke Kontstharóntha Tekahshwanéten Ronthahíta's

    Jaclyn Hall|Aug 9, 2018

    Iehiá:tons: Jaclyn Hall Í:iah tekiotonkwetó:kte ne ka'nisténhtshera kontstharóntha ne Ahkwesáhshne tánon ne Tekeníhaton Khia'teiohserá:ke Kontstharóntha Tekahshwanéten Ronthahíta's wa'thatirihwáthe'te. Tho nón:we wahonterihwahténkia'te ne Tewathahíta Iohá:te ne Kanakerahtsheratákie Tsi Ioten'nikonhroria'táhkhwa ne Seskéha 1, 2018. 5:30 o'karahshnéha tontáhsawen kahwá:tsire wahotikè:tohte ahonten'nikonhró:ri tsi niwenhniserí:io tánon wahatihnekì:ra. Ne Saint Regis Kanien'kéha Onkwehón:we Rao...

  • Wahonten'nikonhró:ri Ne Onkwa'tere'kó:wa

    Jaclyn Hall|Aug 2, 2018

    Iehiá:tons: Jaclyn Hall Okaristiiáhne, Ohiarihkó:wa tewáhsen ià:ia'k shiská:rahkwe, 2018 ne Ahkwesáhshne Tehontstikáhwhas Raontinèn:ra wahonwatihonkarawíhon okarahshnéha nikahá:wi ne wahonten'nikonhró:ri, wahonwatihsennakará:tate ne ionia'ténion ron'theraweientehténion tsi nikaná:ta ne Ahkwesáhshne. Tho nón:we nahoten'nikonhró:ri ne Ahkwesáhshne Kanónhsa Ratiia'takwe'ní:io Ronwatirihonnién:ni Tsi Ionónhsonte tkanónhsote ne 378 Satsherá:ti Iohatákie 37 Ahkwesáhshne nón:we. Tsi niiawénhsere 5:0...

  • Ratiksa'okón:'a Ron'theronníhahkwe Ontó:kten

    Jaclyn Hall|Aug 2, 2018

    Iehiá:tons: Jaclyn Hall Ronwaia'tanentaktónhne, Ohiarihkó:wa 27, 2018 ne Ahkwesáhshne Tsi Niionkwarihò:ten Ronkia'tarohrókstha Tánon Orihwakaión:seron Tsi Ieientáhkhwa ohna'kénhka sahontóweienste ne ratiksa'okón:'a ronta'therón:ni. Ne rontoweiénstha né:'e ne ohna'kénhkha ne wísk nia'ká:ienhte wahontóweienste tsi nikarì:wes ne teiohia'kserà:ke nikarì:wes ohén:ton thonatsawen. Ne shakorihonnién:ni, Levi Herne, kwáh ionnià:ton tsi wahshakorihónnien thó:ha akwé:kon ne oié:ri nihatíhne wahatíhsa n...

  • Monica Peters, Kawennarahsthà:ke Ierihwahserón:nis - Monigarr.com

    Jaclyn Hall|Aug 2, 2018

    Iehiá:tons: Jaclyn Hall Onkwatera'shwí:iohste ón:ton skáthne wa'akiákien ne Monica Peters, kawennarahsthà:ke ierihwahserón:nis Ahkwesáhshne nón:we iakotehià:ron. Wa'kionkenonhwará:ton tsi iehiatónhkwa kenh na'oháhati ne Kastówa Tsi ionteienahninón:tha kanonhsoharà:ke ne Dana Leigh Thompson's kiakonónhsote ne iewennahnotáhkhwa iohatákie Rt. 37, ne Tekahson'karó:rens. Monica iakoio'tákie ne "Shonkwahtsí:'a Karáhkwa VR" ne iontshwa'táhkhwa. "Shonkwahtsí:'a Karáhkwa VR" né:'e ne kwáh token:'en i...

  • Iakoterihwahtenkià:ton Wa'hèn:ron 16th Ratirista'kehró:non Ronaten'nikonhró:ri Wahotiianeráshsten Aronhiáken Tsi Í:iah Éh Tehá:ti Tehotikie'tóhten

    Jul 26, 2018

    Rahiá:tons: Andy Gardner Ratirista'kehró:non Raotikióhkwa akté:shon nón:we nithonenónhseron Othorè:ke nà:kon nonkwá:ti ne Oshstoronon'kéhshon tánon Koráhne nonkwá:ti wahonkia'tarò:roke ne 16th Ratirista'kehró:non Ronten'nikonhró:ris. Io'tarihénhne, iorahkó:tahkwe tánon iaó:tehkwe Ohiarihkó:wa 21 shiská:rahkwe ne Ahkwesáhshne Tsi Tehatihwistaientáhkhwa Tkanónhsote. Kí:ken iohseratákie kwáh aonhá:'a rarista'kehró:non wahonwahsennakará:tate ne Devis Caceres ne Local 580, Kanón:no thaià:tare. Ne a...

  • Onkwehón:we Ratitsiénhaiens Ne Ahkwesáhshne Wahontatshennarónnion Teiontenonhwaratónhkhwa

    Jul 19, 2018

    Iehiá:tons: Jaclyn Hall Ronwaia'tanentaktónhne, Ohiarihkó:wa 13th shiská:rahkwe, Onkwehón:we Ratitsiénhaiens ne Ahkwesáhshne wahonkia'tarò:roke wahontatshennarónnion teiontenonhwaratónhkhwa ne 2018-2021 aorihwá:ke, tsi nikarì:wes enhatí:take a'nowara'kó:wa tsi teiontsihkwa'ekstáhkhwa átste nonkwá:ti. Wísk niiohwistá:'e tahontáhsawen. Tonkié:renhte, Ohén:ton Karihwatéhkwen wahatirihwahnhotón:ko. Jordan Wapass, Ohén:ton Í:rate, tahatá:ti, wa'tehshakononwará:ton ne ón:wak sahontáweia'te. Kwáh...

  • Ohén:ton Rón:nete: Kanonhsasé'tsi SRMT Tsi Ratihiatónhkwa Ia'kahwistaié:ri'ne

    Andy Gardner|Jul 12, 2018

    Kanonhsasé'tsi SRMT enkaweiennenta'ónhake ia'kahwistaié:ri'ne tánon kwáh ken' nihá:ti tánon tsi nahò:ten rotiio'tákie enhontáweia'te ne Seskehkó:wa, rá:ton ne Brendan White, Ohén:ton Í:rate Ne Tehatihtharónnions. Ne $15.5 million, 54,700 niwahsì:take wa'kanonhsó:ta'ne, ionte'serehtaientáhkhwa ne 225 nika'seréhtake enwá:ton enhonte'seréhtaien, ratikwatákwas oh nà:ken ne Nikanakerahtsherá:ke Tsi Ionten'nikonhroria'táhkhwa. Ne kiohia'kserakierénhton ne Ohiarihkó:wa, átste nonkwá:ti ó:nen thó:...

  • Ienhatihahahserón:ni Otskwa'rhéhne Iohatákie Tánon Tarbell Iohatákie

    Jul 12, 2018

    AHKWESÁHSHNE - Ne Ohstoronòn:ke Nonkwá:ti Ratitsiénhaiens ronatshennón:ni tsi enthatirihó:wanahte tsi onthwistatáhko enwá:ton teioháhake enhshotinehtarón:ti kí:ken wakenhnhatákie. $280,000 sahotihwistaién:ta'ne ne aonsahahatikwatá:ko Otskwa'rhéhne Iohatákie tánon Tarbell tsi Iohatákie, teiohserá:ke wahatíhente tsi náhe tkarihwahserón:ni. "Ne SRMT Oháha Tsi Nahò:ten Ratíhsere tehotiweienhnhará:'on iehatihahahsonterónnions Business Park Oháha enhsathahó:ko ne Iohatákie 37 tánon ohén:ton...

  • Ne Ahkwesáhshne Tsi Niionkwarihò:ten Ronkia'tarohrókstha Rontoweiénstha Sahon'therísa

    Jaclyn Hall|Jul 12, 2018

    Ne Ahkwesáhshne Tsi Niionkwarihò:ten Ronkia'tarohrókstha nahé:'a sahatíhsa wahon'therísa Denise Jock ronwatirihonniénhahkwe. Ohiarí:ha tewáhsen wísk shiská:rahkwe ne oh na'kénhkha sahontóweienste. Né:'e ne oh na'kénhkha wahontóweienste akwé:kon tahatikhwénhawe, skáthne wa'thón:tonte tánon wahonwatina'tonnión:nahase tsi nihona'therò:tens wahatíhsa. Kwáh ken'nihotikióhkwa ákte na'tehón:ne ókia'ke ià:ia'k niwa'thé:rake wahon'therísa tsi nikarì:wes rontóweienstha. Tsionkwè:ta, Sally Martin, wa'ì:r...

  • Ratirentsken'tón:nis Ne Ó:nenhste

    Jun 28, 2018

    Rahiá:tons: Ohahonhkóhton Ahkwesáhsne wahonwatihonkarawíhon thi ionkwehonwehseraténion wahonkia'tarò:roke Ohiaríha 15 – 17, Ratirentsken'tón:nis Ne Ó:nenhste. Meskwaki ne Iowa nithoné:non, Ojibwe ne Red Lake, Osage nikanakerahtso:yrn ne Oklahoma, onkwehshón:'ane Rotinonhsón:ni Kanakeráhtshera wa'thatihtharónnion oh nahatiié:re tahatirihwáhshnie tsi niwatonhnhehtsherò:ten ne ó:nenhste ne onkonkwé:takon. Kiotenhniserakierénhton wa'kiakhinonhwará:ton ne ionkhinatahrenná:wi ó:nenhste kahse'rhonni...

  • McGill Tsi Iontoweienstahkhwa'kó:wa Wahatinia'tarohá:ren Aionwátha Kania'taróhere

    Jun 28, 2018

    Ohiarí:ha, tewáhsen énska shiská:rahkwe, tsi tekahontsiakhánion thiionkwehonwehseraténion Onkwehshón:'a Raonenhnísera, McGill Tsi Iontoweienstahkhwa'kó:wa wahatinia'tarohá:ren ne Aionwá:tha Kahshwénhtha akia'tahnháhtshera. Tsi wa'thontenonhwará:ton, wa'konwatiià:taren ne Rotiskaré:wake Niioti'tarò:ten Wa'kerakátste Louise Herne, Sonny Diabo, McGill Raononkwè:ta Rokstén:ha McGill Raonkwè:ta, Ohén:ton Í:iete Suzanne Fortier, Kakwiranó:ron Cook, Tehshakorihwathètha, Thionkwehonwehseraténion...

  • Tammy Bonaparte ~ Ieráhstha Tsi Ní:kon Iakoio'tén:'en

    Jun 28, 2018

    Iehiá:tons: Mahlon Smoke Tóka shí:ken Kaná:takon nieiothahí:non satorihákie tánon iénhsewe ne kaié:ri na'tekahióhsaien ne tsi iotoweienstáhkhwa iohatákie tóka nón:wa enhsáttoke ókia'ke konnón:kwe ó:iente ionnià:ton ionátston teiohstaráthe kakontsheráhrhon ionateweiáhere tánon kahentà:ke ioiánere ká:ien ohén:ton tsi iakonónhsote ne shakotinorónhkhwa Tammy Bonaparte. Iakón:kwe iaka'onwéskwani aiekontsheráhrho shahontehiahrónnion ne ronwatiio'okón:'a tánon wahonthwatsirón:ni. Bonaparte aonta...

  • Kwáh Ken'nikón:ti Ne Onkwehón:we Tekonnikiohkwakenión:he ne Ohstoronòn:ke Tánon Tsi Tekahontsiakhánion Rati'tskó:ton

    Kaniehtonkie|Jun 21, 2018

    Kwáh ken'nikón:ti Ne Onkwehón:we tekonnikiohkwakenión:he ne Ohstoronòn:ke tánon tsi Tekahontsiakhánion Rati'tskó:ton. Ne sénha iorihonwá:nen ne tsi niiá:kon ne Ohstohró:non ionatatshennarón:nion. Deb Haaland New Mexico nikiakawé:non iakotateweiennentá:'on aión:ton ne kiokierénhton Onkwehón:we iekó:ra ne Kentenhkó:wa tenhonnikiohkwakén:ni. Haaland wa'ì:ron "kiótkon tekhéhnhes ne konnón:kwe nitewaia'tò:ten. Konnón:kwe thiionkwè:tate, í:iah teiotiniákhon ka'nisténhsera. Thi ionkwè:ta...

  • AMPS Ronwatihró:ris Ahkwesáhsne Ne Teiehtharahkwà:ke Tehonwatirihwaieronnionhá:tons

    Jun 21, 2018

    (Ohiarí:ha 14, 2018) Ne Ahkwesáhsne Kanien'kehá:ka Karíhton Shakotiia'takéhnhas (AMPS) ne Kaná:ta á:re kheiokontáhkwen thontewennáta'as ne tehonwatirihwaieronhá:tons ne onkwehshón:'a, ókiake enhonnì:ron Korahró:non Ratihwistarò:roks tóka ó:ni thihatiià:tate Kakorhahtsherá:kon Aokióhkwa. Kí:ken tsionkwe'tátshon thonwanatewennata'én:nis kénh nón:we nihatinakerénion, ónhsehrek kén:tho ratinakerénion. Ronwatihró:ris ne kén:tho ratiríhton enhonwatiié:na né:'e tsi ronatkaró:ton, ronwatikarotá:ne n...

  • Louis Levi Oakes Kanón:no Ohstoronòn:ke Watatewenní:io Ohwistanó:ron Wahaié:na

    Kaniehtonkie|Jun 14, 2018

    Ahkwesáhsne Kanien'kehá:ka Ratirihwahséhtha (tehatiwennaténies) tánon Congressional Kahwistarà:ken Ohwistanó:ron wahaié:na Louis Levi Oakes wahón:ion ne Kanón:no Ohstoronòn:ke Watatewenní:io Ohwistanó:ron. Iekó:ra Betty Little ne Ohiarí:ha 8, 2018 ne American Legion Post 1479. Kanón:no Ohstoronòn:ke Watatewenní:io Ohwistanó:ron né:'e aonhá:'a é:neken kiótkon ne ón:kwe ahonwahsennakará:tate tahóntka'we ne Kanón:no Ohstoronón:ke tánon ne enhonwatiháhrhahse ne tsionkwe'tátshon tehonatén:ts...

  • Louis Levi Oakes Kanón:no Ohstoronòn:ke Watatewenní:io Ohwistanó:ron Wahaié:na - Part 2

    Jun 14, 2018

    Here are additional pictures....

  • MCK Í:iah Tha'tahatirihotáhrhoke Ne Miller Aorihwá:ke

    Jun 14, 2018

    Kahnawà:ke – Ne Ohiarí:ha 6, 2018, ne Kanien'kehá:ka Ratitsiénhaiens ne Kahnawà:ke (MCK) tahatirihó:wanahte í:iah tha'tahatirihotáhrhoke ne tsiaontarí:kon Teieia'torehtha'kó:wa tsi nahò:ten ia'tehotirihwaientá:se aorihwá:ke ne Miller v. Kanien'keháka Ratitsiénhains Ne Kahnawà:ke. Ia'tekarihwaientá:'on ó:ni ahshakotikária'kse tsi ní:ioht tsi ronwatihró:ri tsi tekaia'toréhton. Tsi ia'thotirihwaién:ta'se ahónta'we tsi í:iah tha'tahatirihotáhrho'ke akwé:kon rotirihwanonhwé:'on, né:'k t...

  • Ionkwa'nikonhriiósne Ka'nikhónhshne Wahonwatirihónnien Oh Ní:ioht Tsi Ahonkia'tawi'tsherón:ni

    Jun 14, 2018

    Iehiá:tons: Mahlon Smoke Peace Tree Mall, Akwesasne – Ne Ionkwa'nikonhriiósne ka'nikhónhshne tsi ionkia'tarohrókstha tékeni ia'tká:ienhte wahonkia'tarò:roke wahonwatirihónnien ronnón:kwe oh ní:ioht tsi ahonkia'tawi'tsherón:ni ne ronónha raoná:wen io'nheksen'tónnion onkwehonwehnéha akia'tawì:tshera. Sheree Bonaparte wahonwatinónhsani tánon Kelly Marshall wahonwatirihónnien, tetsiá:ron wahonwatiiénawa'se ne kanèn:ra tsi nón:we kiokierenhtáhkwen aontaiontáhsawen naionkia'tawi'tsherón:ni ne onkwehon...

  • Tekonrénies Indian Time konwá:ia'ts Kanien'kéha ó:nen enthontáhsawen enhatikararónnion

    Jun 7, 2018

    Indian Time iotshennón:ni aontakarihón:wanahte Dorothy Karihwénhawe Lazore tánon Mary Iotenerahtaténion Arquette onkwè:tase Indian Time saionkhiiakia'táhrhahse. Niawenhkó:wa tsi nón:we saionkhiiakia'táhahse ne Ahkwesáhshne Kanà:ta. Karihwénhawe tánon Iotenerahtaténion tekeniwennaté:ni tékeni tóka ó:ni Karihwáke Indian Time kakararónnion kiohrhén:sa kanien'kéha tsi enkahiá:tonke. Ronakiohkowá:nen ne Ahkwesashró:non rontá:ti, ratiwennahrótha tánon ratihiá:tons ne Kanien'kéha, Indian Times rón...

  • Ienhsewatirihwahéhrhahse Ne Ratitsienhaienskó:wa Ne Ononhsatokenhti'kó:wa tánon ne Ohontsiakwé:kon Ken'na'tekónteron Ensewatkèn:se

    Jun 7, 2018

    Ratihiá:tons: Rotinonhsón:ni Átste Nonkwá:ti Tehoienawá:kon Aokióhkwa Iehonenónhne Ononhsatokenhti'kó;wa Kanahehrsá:'on Ne Onerahtókha 28, 2018 ne Rotinonhsón:ni Ronwatiríhonte ronwatihre'nón:ni ne Onondaga nón:we. Ne aorì:wa tsi tho iehonenónhne tahontátken ne thatì:teron ne Ononhsatokenhti'kó:wa ahonwatiri'wanón:tonhse ne thatì:teron ne Ononhsatokenhti'kó:wa t'anon ne Arihwanakonhkó:wa taharihwa'será:ko ne karihwatákie ne Arihwawa'kon'kó:wa raohiatónhsera tho ní:ioht tsi ratirihwaient...

Page Down

Rendered 07/17/2024 20:58